తాజాగా న్యాచురల్ స్టార్ నాని హీరోగా శ్రీనిధి శెట్టి హీరోయిన్ గా డాక్టర్ శైలేష్ కొలను దర్శకత్వంలో తెరకెక్కిన సినిమా హిట్ 3. ఈ సినిమా రిలీజ్ అనంతరం భారీ విజయవంతం అయింది.
క్రైమ్ యాక్షన్ థ్రిల్లర్ గా రూపొందిన ఈ సినిమాలో అర్జున్ సర్కార్ పాత్రలో నాని అద్భుత నటన అందర్నీ ఎంతో ఆకట్టుకుంది. మిక్కీ జే మేయర్ సంగీతం అందించిన ఈ సినిమాలో బాలీవుడ్ నటుడు ప్రతీక్ బబ్బర్ విలన్ గా కనిపించారు.
ఓవరాల్ గా యాక్షన్ సన్నివేశాలతో థ్రిల్లింగ్ అంశాలతో అందరినీ ఆకట్టుకున్న ఈ సినిమా తాజాగా ప్రముఖ ఓటిటి మాధ్యమం నెట్ ఫ్లిక్స్ ద్వారా పలు భాషల ఆడియన్స్ ముందుకు వచ్చింది.
అయితే హిట్ 3 అనంతరం త్వరలో హిట్ 4 సినిమా ప్రారంభం కానుంది. ఇందులో తమిళ నటుడు కార్తీ హీరోగా నటించనున్నారు. అసలు విషయం ఏమిటంటే తాజాగా ఓటీటిలోకి వచ్చిన హిట్ 3 మూవీ అటు తమిళ ఆడియన్స్ ని కూడా ఎంతవరకు మెప్పిస్తుందో చూడాలి.
ఇది వారిని కూడా ఆకట్టుకుంటే రానున్న హిట్ 4 మూవీ అక్కడ కూడా మంచి మార్కెట్ అందుకునేటువంటి అవకాశం ఉంది. మరి ఎంత మేర హిట్ 3 మూవీ నెట్ ఫ్లిక్స్ లో ట్రెండ్ అవుతుందో చూడాలి.