గూడచారి మూవీ ఫేమ్ అడవి శేషు హీరోగా శేనియల్ డియో దర్శకత్వంలో తెరకెక్కుతున్న లేటెస్ట్ క్రైమ్ యాక్షన్ డ్రామా మూవీ డెకాయిట్. కొన్ని నెలలుగా వేగవంతంగా షూటింగ్ జరుపుకుంటున్న ఈ సినిమాలో వాస్తవానికి మొదట హీరోయిన్ గా శృతిహాసన్ ని తీసుకున్నారు.
అయితే కొన్ని కారణాల వల్ల ఆమె తప్పుకోవటంతో ఆమె స్థానంలో మృణాల్ ఠాకూర్ ని తీసుకున్నారు. ఆమెను తీసుకున్న అనంతరం లేటెస్ట్ గా మూవీ నుండి చిన్న గ్లింప్స్ ని రిలీజ్ చేశారు. దీని ద్వారా సినిమా యొక్క రిలీజ్ డేట్ కూడా అనౌన్స్ చేశారు మేకర్స్.
కాగా తమ సినిమాని డిసెంబర్ 25న క్రిస్మస్ కానుక రిలీజ్ చేస్తున్నట్టు టీజర్ లో ప్రకటించారు. అనురాగ్ కశ్యప్, ప్రకాష్ రాజ్ వంటి దిగ్గజ నటులు కీలక పాత్రలు పోషిస్తున్న ఈ సినిమాని ఎస్.ఎస్.
క్రియేషన్స్ & సునీల్ నారంగ్ ప్రొడక్షన్స్ తో కలిసి అన్నపూర్ణ స్టూడియోస్ సంస్థ పై సుప్రియ యార్లగడ్డ ద్విభాషా చిత్రంగా నిర్మిస్తున్నారు. డెకాయిట్ ఒక ప్రేమకథ అంటూ యాక్షన్ లవ్ అంశాలతో సాగనున్న ఈ మూవీ రిలీజ్ అనంతరం ఏ స్థాయి విజయం అందుకుంటుందో ఎంతమేర నటుడు అడవి శేష్ కి ఇది పేరు తీసుకొస్తుందో చూడాలి.